Medidas de prevención ante as altas temperaturas

Co fin de garantir a seguridade de deportistas, persoal e público durante a celebración dos XVI Xogos do Eixo Atlántico (5–10 de xullo), a organización elaborou un Plan de Calor ante a previsión de altas temperaturas nestas datas.

Entre as medidas máis destacadas:

• Hidratación constante: punto de auga dispoñible antes de cada xornada en todas as instalacións.
• Zonas de sombra e recuperación: con xeo e toallas húmidas para o arrefriamento.
• Protocolo de actuación inmediata ante calquera síntoma de golpe de calor, con persoal sanitario localizado en todo momento.
• Franxas horarias de maior risco: especial atención o luns 6 (atletismo en pista e carreiras de ruta) e nos partidos de tarde nos pavillóns.
• Contactos de emerxencia visibles e accesibles para todo o persoal e delegacións.

📄 Recomendamos a todos os delegados, adestradores e persoal voluntario descargar o documento de actuación para coñecer en detalle os niveis de alerta e os pasos a seguir en caso de emerxencia.

Área privada